讲咗睇咗咁多景，咁不如讲吓睇吓人啦(一定系讲人坏话啦，真是八挂呢！哈~哈~)。

当地人士：感觉系好纯既，所以如果大家想去呢处玩的话，要记住去得玩就唔好怕俾人呃，当地系旅游为主，游客佢地都好尊重既，有事都唔会搞到游客，唔怕无生意咩。听闻柬埔寨人对中国人特别好，因为中国一向对柬埔寨都好帮忙，唔似第啲国家咁对佢虾虾霸霸喎(咁大家放心啦，因为我是中国人嘛)！但呢个地方实在真系穷，又经历咗长时间既恐怖黑暗年代，所以我感觉既系，当地人一般都比较少“笑容”(唔笑唔等于坏人既，不过佢地惯咗眼定定咁望住人，你唔当一回事就可以了)。至于治安，肯定无问题啦。而且佢地可能系因为物资短缺及穷，所以都习惯咗，就系开口问游客要钱或糖果文具，其实系好平常事而已，不过佢地要求唔多，有很多人当做善事都会很乐意俾的(就算唔俾都无问题的)，况且那里好多受到战争及地雷伤害既伤残人士，如果为人心太软，最好准备一些文具或糖果比较好，否则真系唔好去玩好了！

旅游人士：呢处去玩既，以欧美、日本、韩国为主，但其实中国人先系最多(包括台湾，因为大陆及台湾都有航机直航飞往那里)。香港人反而唔太多，可能很多香港人以为那里很污秽落后(讲真要叹既香港人又好似唔啱那里)。不过我几天在那里，发现每天在任何一个地方，最嘈最兴高彩烈、讲野最大声既，一定系香港人，有一日仲见到一家香港人系最多人既吴哥寺睇完日出嗌大交添呀，中外人士，人人为之侧目佢地都唔理唔怕羞？(问你死未？)，看来普遍香港人既水平，仍没多少提高，好心佢地乖乖的做番井底之蛙，好过出去失礼人前啦！

讲完人又睇吓当地既人，我一向喜欢影景多过影人(因为我影人系弱项，技术唔得，睇我连一支什么大光圈人像镜头都无就知啦，所以千祈唔好误会我成日影靓女，睇吓就可能会)，所以好随意咁影咗少少就算！

不过要留意，很多时面对这些小妹妹，影咗佢相就问我要：『One Dollar』，好烦气呢！哈~哈~

另外，很多景点都会有呢一类小孩子用英文及普通话叫买工艺品，不过唔多见人买呢！

(1)

(2)

(3)

(4)

[1] [2] 下一页