玩就玩咗啦，等我都学吓人做番个总结先，或者系处讲多少少俾有心去玩的人昨一些参考(我无乜几何架)，不过呢一啲其实系网上都随时可以搵到，而我以下所讲既都系一啲我有做过既野，所以，我无做过既，你地千祈咪问我。仲有，我系Cheap友，想叹世界既，就唔系呢杯茶了！

货币：全个柬埔寨以美金为主，我呢次去玩，一个仙当地货币都无兑换过。只要去玩叫饮叫食或买野，尽量要叫“整数”，因为遇有“零头”，当地人一定会收美金但找回柬埔寨钱俾你，到时钱又带唔走，兑换回美金又蚀汇价就唔好啦！不过真系有剩，留俾酒店当贴士，或在路上派俾那些因为地雷受害人士，做吓善事都可以的！仲有，因为搭飞机离开暹粒时，要俾『机场建设费』25美金先走得，所以记得啲钱唔好用咁尽呀！

天气：呢个地方全年都热及全年都咁好阳光(要做足防晒呢，但晚上就好清凉)，佢无春夏秋冬，而只有分旱季及雨季，基本上每年11月后便是旱季，因无咁热及小雨(但我呢次去一滴雨都无落过呢)，同时亦即旅游旺季。但雨季出游，有些地方如Kbal Spean(高布斯滨)，雨季梗本唔适宜去。但我有戴帽及太阳油，都仲晒到黑过去钓鱼，好惨呀！唔靓仔啦！

语言：全程用英文就可以，不管你有几水皮，不过我酒店那个负责人，普通话仲叻过我呢(叻过你又有几难呀？)！

前往交通：如果由香港直飞，只可以去到Phnom Penh(金边)，到了那里去暹粒必须于第2日，另外坐6小时既巴士。想直接去暹粒，一系由广州飞，要不然便是坐其他航空公司经曼谷、新加坡或吉隆坡等等，再转机去暹粒。不过现时去广州都很方便，什至由深圳或珠海都已经有机场巴士，迟少少广州机场地铁及高速铁路开埋仲方便。加上南方航空机票价钱够平，值得考虑(如果有内地发出既信用卡，机票是会更便宜的，听闻去那里，预早定票最平可以平到人民币1200(连税)内搞定，但记著，是听回来的，我也不肯定是不是可以有那么便宜)。

当地交通：有钱既坐私家车啦，但大部份人都系坐Tuk Tuk为主，市内1-2美金，而我呢次去既系全日游小圈13、大圈15、外圈25，都系酒店帮我安排既(我都懒得去问料)，因为我都已经觉得好合理了，加上那里Tuk Tuk通街都系，更本唔驶预定或讲价(自己去搵要问餐死，又唔知好唔好，烦，由酒店安排，有事不满都可以由酒店出头嘛！)。不过要留意系，有些酒店或Tuk Tuk司机，如果要去睇日出，会加收费用的！另外，预定住宿，会包接但唔包送。如果喜欢骑单车，街外租既都系1-3蚊。但我住那地方，有免费单车任玩！用来代步唔错，路上交通看似混乱，但其实无问题的！但那里市中心好细，我都系做步兵算了。

住宿：那里是游客区，所以高中低档酒店多的是，我见过最平由3蚊起，有冷气及冷热水冲凉既贵少少(我全既就系呢种，不过里面装修一啲都唔差的)，而且好多酒店都有不同既额外设施，如免费24小时咖啡奶茶、、电脑上网、单车、早餐、按摩(20分钟)、机场车站接人、泳池。不过要留意，当地大部份都系用太阳能热水器，日光日白黄昏当然无问题，晚上就要小心了，因为我去既时候，晚上一般只有18-19度，好凉吓，而我去咁多晚，更本唔驶开冷气，早知我就住无冷气房，可以平多6蚊。而我住呢一个档次，入住时唔虽要俾任何钱包括Deposit，总次不论多少天，当你Check-out时先一次过付清所有房费及Tuk Tuk车费！

食物：表面上柬埔寨既食物，似泰国及中国菜，但一啲都唔辣，以椰汁做餸为主。不如做一个很粗略既比较，等大家知道有乜分别(大酒店或高档既唔计，因为我都无食过)。

路边或本地人 市场/大排档 市内餐馆 景点大排

为主既餐厅

[1] [2] [3] 下一页